استيقظي لجل الصباح اللي على شانك يفيق
كم مرة حاول يبي يصحيك لكنّ استحى

وتلثمي بالريح والرذراذ والغصن الانيق
من شان لاتغتار منك وتنكسف شمس الضحى

ياكم يشيل الليل من مجدولك اللي مايطيق
من حيث جات انامل النسمة غدا له منتحى

ياسكرة الوجدان عذر العاشق اغواية رحيق
ماقال عمره مافقد.. الا ي ليته ماصحى

وريني اعيونك انا لي مدة ابحث عن غريق
رسم بكحلك للسفر تمثال وهناك انمحى

تبسمي للكون محتاجين الى مبسم وريق
شوفينا يطحنا التعب ونجف وتدور الرحى

الله يسامح بوصلتك من الضياع الى الطريق
والحيرة اكبر من صدى الوادي ومن صوت الوحى

لو يعذر المصدوم من بورة رفيقٍ في رفيق
وش عذرة اهداب العيون السود في بيض اللحى

شعر أ. احمد الويمني