نفوسنا ملت وكلت من الخبز
ماعندكم يااهل الكرز لو بقايا
ونفوسنا عافت من اللحم والرز
ماعندكم يااهل العنب من هدايا
وين الجلي اللي ليا لاح واهتز
يبري جروحن داميه في الحشايا
وين الكمثرى يمة الخوخ لافز
يفز قلب الصب بين الزوايا
وين الرطب والمشمش اللي ليا رز
خلف من القتلى وجرحى ضحايا
تشوهت كل الفواكه كما البز
مدري سماد العصر والا رزايا
أظن فيها السم والسم مبتز
من سم ناسن مثل سم الحيايا
حتى وجوه البعض صارت كما الوز
تلونت وتشكلت في المرايا
ردوا الفواكه للطبيعه ولو لز
عز الله إن الشور باهل الوصايا
بالمختصر ماعاد للفاكهه عز
من يوم ماراحت جميع المزايا
أحمد حلواني
القنفدة الغادة