مجبور اودع في حياتي كثيرين
مثل الدموع اللي بعيني تمادت
نثرتها من شوق وافراق غالين
يوم المواجع خلف الاضلاع زادت
انا هدرت الدمع ايام وسنين
ولاهتنيت ولا العيون استفادت
واسباب تمييزي لبعض العناوين
الذكريات اللي على البال عادت
هذي ظروف الوقت ما تعرف اللين
شاقت كبود بجورها يوم كادت
اسرفت في جمع الالم طول عامين
يوم الفرح اقفى والاوجاع نادت
والجلد في ذاتي وكثر العتب شين
ليت الجوارح بعد صبري تهادت
في محكمة ظرف الندم به قوانين
لو ما نسيت الجرح الاحزان سادت
معمورتي كانت قصورٍ من الطين
يرحم كفوفي رممتا وجادت
وتصدعت من بعد فرقى العزيزين
من بعدهم زاد التصدع وبالدت
احمد بن فهد
التعليقات 5
5 pings
إنتقل إلى نموذج التعليقات ↓
غير معروف
2021-01-14 في 9:23 م[3] رابط التعليق
صح لسانك رائعة ابدعت ماشاءالله عليك عبقري
غير معروف
2021-01-16 في 3:25 ص[3] رابط التعليق
صح لسانك ابداع
نور
2021-01-14 في 9:34 م[3] رابط التعليق
برافو احمد ان شآء الله ديما ناجح و تلهمنا بشعرك
غير معروف
2021-01-16 في 1:26 ص[3] رابط التعليق
صح لسانك أحمد مزيدمن التألق برافو
غير معروف
2021-01-16 في 7:27 م[3] رابط التعليق
صح لسانك ياشاعرنا معك اخوك عبدالمطلوب ياعسل