اول حسبت ان اليتم بس للاطفال
لين اكتشفت اني بعدها يتيمه
اي والله ان الجرح ينزف ولا زال
والروح والله من بعدها سقيمه
في قربها كنت ابني احلام وامال
ومن بعدها ماعاد للعمرقيمه
اضحك واجاملهم على كل الاحوال
وجروح قلبي من بعدها اليمه
ماهي من اللي تعشق القيل والقال
ولاهي من اللي يعشقن النميمه
لو وزعوا من طيبها يكفي اجيال
منبع حنان الكون باالحب ديمه
في صمتها حكمه وفي قولها امثال
امي عظيمه والله امي عظيمه
والله ما انساها لو افراقها طال
تبقى بكل عروق دمي مقيمه
يا الله يامنزل تبارك والانفال
يارب يامحي العظام الهشيمه
تجعل لها في جنة الخلد منزال
وتحيا بجناتك حياة ن كريمه

الشاعرة :رياح الوفاء