صبرت صبرأيوب و بعالمي همت.
و ياما تحملت الأسى و الجراحي.

**

لو اني اسكت خفت يذبحني الصمت
ولو اني احكي خفت سرك يباحي

**

يالغالي اللي في حياتي تحكمت.
و انا معك لا شك مبدي ارتياح.

**

ما يوم من حكمك عليه تظلمت.
و لا حكيت بقسوتك من سماحي.

**

و اليوم لي كلمة معك لوتكرمت.
اسمح بها لي يامدير الملاحي.

**

أبيك لو تسمح ظروفك و لاهنت.
خليني أشاهدك في كل صباحي.

**

تراك لا مريت و العين سلهمت.
ترتاح نفسي حيل و تبرا جراحي.

**

ما عاد بأصبر عنك من عقب ما شفت
خلك معي ارجوك ماراح راحي.

**

أهواك يالمجمول و بربي أقسمت.
إنك و حيدي في الغرام المباحي.

**

ليتك دريت البارحة بك تحلمت.
شفتك معي يا زين لعب و مزاحي.

**

يالعاذل اللي في غرامي تكلمت.
بيتي و بين الزين مالك صلاحي.

**

مالك ما دخل مالك شغل لوتحطت.
و أقولها و أعيد مالك صلاحي.

_____________________

كلمات الشاعر /محمد صالح الحارثي