جابتك لي ياناكر الود الايام..
ومن اولن دايم تغلا علينا.
هجرت وتناسيت عام بعد عام..
وجيت يوم انا لحبك نسينا.
رديت يوم انك من الغير منضام..
ماتدري انا عن غرامك سلينا
لا شك ماني مثل ماكنت قدام..
أطرد وري المقفين في كل حينا.
خلاص يالغدار خانتك الأحلام..
خلاص من ذاليوم لاعاد تجينا.
اللي نسي شرواك ما اظن ينلام..
بالعكس هذي سنة العاشقينا.
اللي تغلا بالهوا راح مادام.
واللي وفي بالحب يده بيدينا.
________________________
كلمات الشاعر/محمدصالح الحارثي
(الخطير)
(
(
