أستيقضت بين الحنايا مجارير
كانت توسد للضلوع النحايف
لكن صحت ماعاد فيها معاذير
وعديت من همي على رجم نايف
في راس عيطا ماتجيه المسايير
ولاضم لا صحاب القلوب الولايف
ماغير انا والهم والغيم والطير
كنا تقاسمنا الحزن بالنصايف
صحت تراتيل المطر للعصافير
ورجعت على قلبي جروحه نكايق
تواردت ورد الضوامي على البير
حتى غدا حالي مثل مانت شايف
كنت اتوارى عن عيون الجماهير
أسري تحت جنح الدجى تقل خايف
وأنا من اللي ينطحون الطوابير
وتبقى الثقال بعين مثلي خفايف
أكبارها تصغر بعين المناعير
وأصغارها تكبر بعين الضعايف
وأنا سمحت من التعب والمشاوير
حتى من بحور الشعر صرت عايف
هذا الزمن عن مامضى يعتبر غير
وأنا ماني من شلة استار فايف
أنا بدوي واحب شوف المغاتير
ومالي على بعض الموارد حسايف
شعر :
ناصر بن عليثه المحياوي الجهني
التعليقات 7
7 pings
إنتقل إلى نموذج التعليقات ↓
خالد صالح الجهني
2020-10-25 في 10:26 ص[3] رابط التعليق
صح لسانك الشاعر الكبير الأديب الناقد الإعلامي سفير شعراء جهينة الشاعر الكبير ناصر عليثه المحياوي الجهني إبداع لايستغرب من شاعر يشار آليه بالبنان شاعر محبوب وله قاعده جماهيرية عريضه اسأل الله ان يحفظه من كل شر
اسجل إعجابي الشديد بالشاعر العملاق ناصرعليثه المحياوي الجهني
اخوك :
خالد صالح الجهني
أبو اطياف
النايفه
2020-10-25 في 10:31 ص[3] رابط التعليق
الشاعر الكبير موسيقار الشعر الشاعر بل الساحر ناصر عليثة المحياوي الجهني
انت شاعري المفضل بدون منافس والسبب انك شاعر تكتب شعر يلامس، شغاف القلب ويعزف على أوتار الوجدان
في كثير من الأحيان وانا اتصفح اشعارك أشعر بأنك تتحدث عن معاناتي وليس عن معاناتك انت
وهذا يدل على شاعريتك العظيمة حقا انت شاعر أنيق و مبدع وراقي ومذهل وجميل في كل حالاتك
فهد المطيري
2020-10-25 في 10:35 ص[3] رابط التعليق
صح لسانك مدد بلا عدد الشاعر الكبير والناقد المميز والأديب الرائع الاستاذ ناصر عليثه المحياوي الجهني سفير شعراء جهينة
عضو الاتحاد العالمي للشعراء
اسجل إعجابي الشديد بما تقدمه من شعر جميل
اخوك ومحبك
فهد مطلق المطيري
أبو مياس
سلطان الحربي
2020-10-25 في 11:51 ص[3] رابط التعليق
ما أروعك وما أجمل حرفك الشاعر المبدع ناصر عليثه المحياوي الجهني
حفظك الله ورعاك ووفقك لكل خير
حمدان ابو حاتم
2020-10-26 في 2:01 م[3] رابط التعليق
مبدع اخوي الشاعر ناصر عليثه وصح السانك
Anwer
2020-12-24 في 10:50 م[3] رابط التعليق
👍
Anwer
2020-12-24 في 10:48 م[3] رابط التعليق
👍