انا البارحه عيني تكظ العباير كظ
من الضيقة اللي يالله انك تفرجها
تكرب همومي بين الأضلاع ثم اجظ
بزفرات من قاصي ضميري ماخارجها
اشوف المكان اللي بجمع البشر مكتظ
ولاكتها عالم تبي من يبرمجها
ليا لزمت الوقفات شفت الكثير انفظ
وتساقط طواقم هقوتي من بوارجها
مافيهم ردي لأكنها أقرب لغيبة حظ
هذي علة ما احد لقى من يعالجها
ترى الله برا ذيب قالوا ليوسف عظ
ونار الحسد يزداد فيهم تاججها
وأنا أثبت نهار يخور من كان عوده غظ
ولالي دخل بالضلع واللي يدرجها
ضعيف الروابع مانتهض لو تلظه لظ
ولك الله ماترضا للبشر لو تحججها
شعر :
ناصر بن عليثه المحياوي الجهني
التعليقات 4
4 pings
إنتقل إلى نموذج التعليقات ↓
سعود سعيد الفايدي
2020-11-22 في 5:19 م[3] رابط التعليق
صح لسانك الشاعر الجميل الأنيق ناصر عليثه المحياوي الجهني سفير شعراء جهينة وعضو الاتحاد العالمي للشعراء الشاعر الكبير والناقد والإعلامي الأديب الأستاذ ناصرعليثه المحياوي الجهني
النايفه
2020-11-22 في 5:21 م[3] رابط التعليق
مبدع كالعادة ومذهل وجميل شاعر وساحر وتجنن
سعد فهاد المطيري
2020-11-22 في 5:21 م[3] رابط التعليق
لله درك أيها الشاعر الجميل الأنيق ناصر عليثه المحياوي الجهني سفير شعراء جهينة وعضو الاتحاد العالمي للشعراء الشاعر الكبير والناقد والإعلامي الأديب الأستاذ ناصرعليثه المحياوي الجهني الحقيقة قصيدة عظيمة من شاعر عظيم ولعلي اطرح عليك سؤال يتبادر إلى ذهني كل ماشاهدت لك قصيدة
ماهو السر من ابداعك وتميزك في جميع اشعارك خصوصا اني متابع لشعار كبار كثيرين وكلهم تحصلهم في قصيده مبدع وفي قصيده ثانيه عاديه اما ماشاء الله لاحول ولاقوة الا بالله مبدع في جميع قصايدك وانا من أكثر المعجبين بك وشاعري المفضل انت وقد قابلتك في المدينة المنورة في حفلة المهلكي قبل خمس سنوات
الله يطول بعمرك ويزيدك من التوفيق
أخيك
سعد فهاد المطيري
سلطان الحربي
2020-11-22 في 6:57 م[3] رابط التعليق
صح لسانك من أجمل ماقرأت
مبدع ومميز دايما