باحت خفايا كنيني سجتي نهار الاثنين
في وجهة ًقبل لا امشي ليتني جنبت عنها
من كثر مامربي من ضيق صدر بعام ٢٠
رحت اتمشى ولكن رحلتي غالي ثمنها
وش نبه القلب باللي لاطرالي تدمع العين
ساعة تنبه غزير الدمع عيني طاح منها
من ماحصل ليتني قبل اتحرك قلت بعدين
لا تسوقني خطوتي والروح يطريلي حزنها
ياقلب مهما يطول الحزن ولا تشكي البين
الادمي كل امــوره في حياته ماضــمنها
لازم يمــر بحياته كلــها بالزين والشين
والعاقل اللي همومه قبل لاتبدي دفنها
واللي يقول السلامه والسنع مع ناس غاوين
بقعا قطــف تينها ولا شرب رايب لبنها
اي والله انه تكدر خاطري بين الصلاتين
وانا السبب سقت خطواتي بدرب اللي فتنها
كانت لي الدرب سهله كلها رياض وبساتين
واليوم شانت بعد ماراح منها اللي سكنها
وكانت بساتينها بالورد وانواع الرياحــين
النفس تطــرب لها ماكنها إلا في وطنها
وشفت اختلاف الليالي ياخساره يوم الاثنين
ياليتني قبل اقـــــرب حولها جنبت عنها
ابوسعد