تمرد الجرح والا الشعر متمرد
ما يندرى من هو اللي جاب عثراتي
اخفي حظوري ولاني فيه متعمد
مدري وش اللي حصل ماهي بعاداتي
اقول ماني على هاالصمت متعود
ياثورة الصمت ماهذي طموحاتي
الهاجس اللي بذاك الخوف متوسد
لابد يشبع جنونه كل رغباتي
ماكان غيري يحب الحب ويغرد
واظن ماكان يبكي غير عبراتي
الوصل بين الورق والحبرمتجمد
ماصارحتى القلم يكتب معاناتي
مازلت بالذكريات آهيم واتردد
واحاول ابني جسورالوصل في ذاتي
ياقلبي اشبع حنين وشوق وتوجد
واعبربي البحرواركب موجه العاتي
مازال فيني شعورالحب يتجدد
والحب يمكن يكون اخر محطاتي
ياصحبي الجرح مهماكان يتظمد
ويطيب لكن تموت اجمل عذاباتي
الشاعر : مزهرالشهري