تقول أرجوك تكتبني قصيده بيت ينطح بيت
وأنا اقول انتي اكبر من قصيدي يانظر عيني
احبك ايه احبك لوبكيفي كان ماحبيت
تربعتي على عرش الغلا بين الشراييني
كثر ماحن قلبي من غلاك وكثر ماحنيت
تشكل في خيالي صورتك ساعة تضميني
اشوفك في عيوني ياحبيبي كل ما طليت
رغم بعد المسافه في الحقيقه بينك وبيني
وبعد جرح الغياب اللي منه ياكثر ماعانيت
رجعت تصحي الجرح العميق اللي سكن فيني
نفخت الجمر من تحت الرماد يلين ماصحيت
تفاصيل الجروح اللي بصرختها تبكيني
بعد ما نام حزني من وراء حدب الحنايا جيت
تذكرني ملذات الغلا وتغيب عن عيني
غريبه يوم كنت اطلب وصالك بعتني وقفيت
وهلحين انت تتمنى الوصل وأقول ممديني
وقبل ترحل تراي مسامحك عن كل ماسويت
وأنا فيني من طعون الزمان اللي مكفيني
شعر :
ناصر بن عليثه المحياوي الجهني
صفحة نبض الحرف
بإشراف الشاعر: الحفظي الشهري
التعليقات 1
1 pings
ابو مياسه
2020-04-18 في 2:29 م[3] رابط التعليق
صح لسانك الشاعر الكبير سفير شعراء جهينة ناصر عليثه المحياوي الجهني مبدع في كل مكان وزمان