يااااشيخة الغيد... ياحلوه ومحبوبه
يالي.... قليل (مثيلك) في مناكبها
يااااجوهر ياغاية (منايه) ومطلوبه
ترقص..... دلع واتغنج يوم الاعبها
مااامثلها (مهرة) لو قيل اكذوبه
ولا..شفت انا مثلها (مهرا) تقاربها
ممشوقة ..القد.. والسيقان مخضوبه
والعنق.. تبرز خصاله... من جوانبها
والغره تلمع كما القنديل مشبوبه
ترقص تمايل غنج تومي لصاحبها
مضمرة بطن مزمومه ومكربه
سبحان من هو خلقها ورب كاربها
لارخت حوافرها وفزة كنها اعجوبه
نارا تثير النقع منها حين تضربها
والذيل كنه شعلة من نار مسحوبه
لامن تعدت واحد يوجس لواهبها
يازينها لا وقفت ترمح ومرعوبه
اوهي جمحت وتفلتت من يد صحبها
تسمع نفسها كنها انفاس مسلوبه
لو بالرسن قام صاحبها يجاذبها
متمنعة حيل كنها بنت مخطوبه
كنها اتغلى ولا تبي حد يقربها
مهره وفيها صفات الحسن مصبوبه
سبحان رب خلقها ورب واهبها
هاذي بعض اوصافها بابيات مكتوبه
من شدة اعجابي مدونها وكاتبها
ابو ياسر