الان راجع ليش بعد غياب عام
ماعاد نبغى لك 'سلام ولا كلام
بين الهجر والوصل مافيه انسجام
ما يجتمع شر الأمور وخيرها
وش ذكرك فيني بعد طول الغياب
وانته من اول كنت قافل كل باب
الان راح الوقت ماينفع عتاب
ماتنفع اعذارك ولا تبريرها
يا كثر ماغنيت لك نحن هنا
ولاشفت منك إلا المجافا والعنا
تصد عني وانا أقول الله لنا
وأسباب صدك لم أجد تفسيرها
مهما تبرر للغياب وتعتذر
لمسامحك ياهاجري لاتنتظر
هذا جزاء صدك لعلك تعتبر
راحت عليك وخيرها في غيرها
ياكثر ماطال انتظاري واحتريت
وياكثر ماعنك وعن حبك حكيت
وياكثر ماسترجعت ذكراك وبكيت
جروج صدك مابرا تأثيرها
أرجوك أنا فيني من الحزن الكبير
أكثر من اللي في خيالك وبكثير
وأن كان تبغين الكلام من الأخير
كسر الخواطر مانفع تجبيرها
خل اللي ضحكولك اول ينفعوك
كم قلت لك يأتي زمان ويتركوك
والان لو ناديتهم ما يسمعوك
وتعيش ياسيدي وتأكل غيرها
شعر :
*ناصر عليثه المحياوي الجهني*
التعليقات 5
5 pings
إنتقل إلى نموذج التعليقات ↓
فهد صالح الحربي
2020-06-06 في 12:55 م[3] رابط التعليق
نحن هنا أيضا ننهل من معين جمال وعذوبة حرفك الذي يدخل أبواب قلوبنا بدون استئذان
الشاعر ناصرعليثه الجهني انت ملك الإبداع ومحدث العصر وشاعر الدنيا
دمت بهذا الجمال وبهذا السحر الحلال
لك كل الود والتقدير
اخوك ومحبك
فهد صالح الحربي
ابو مياسه
النايفه
2020-06-07 في 1:25 ص[3] رابط التعليق
صح لسانك ناصر المحياوي على الكلمات الروعه
كالعادة تأتي ويأتي الإبداع بمعيتك
أشعر نصوصك تلامس القلوب وكأنك تتحدث بالانابه عن ما في دواخلنا حقا ما أروعك ياناصر
انت شاعر جميل لك اسلوبك المميز وطريقتك الخاصة
تمنياتي لك دوام التوفيق شاعرنا الأنيق
النايفه
2020-06-07 في 1:26 ص[3] رابط التعليق
صح لسانك ناصر المحياوي على الكلمات الروعه
كالعادة تأتي ويأتي الإبداع بمعيتك
أشعر نصوصك تلامس القلوب وكأنك تتحدث بالانابه عن ما في دواخلنا حقا ما أروعك ياناصر
انت شاعر جميل لك اسلوبك المميز وطريقتك الخاصة
تمنياتي لك دوام التوفيق شاعرنا الأنيق
النايفه
2020-06-07 في 1:27 ص[3] رابط التعليق
صح لسانك ناصر المحياوي على الكلمات الروعه
كالعادة تأتي ويأتي الإبداع بمعيتك
أشعر نصوصك تلامس القلوب وكأنك تتحدث بالانابه عن ما في دواخلنا حقا ما أروعك ياناصر
انت شاعر جميل لك اسلوبك المميز وطريقتك الخاصة
تمنياتي لك دوام التوفيق شاعرنا الأنيق
حمدان المحياوي ابو حاتم
2020-06-08 في 11:42 ص[3] رابط التعليق
كلام جميل جدا دايم مبدع اخوي ناصر ابو جنى الله يعطيك العافيه دايم تفاجينا بي شي جميل
من فكرك من واسع انسجام خيالك ويوصل إلى قلوب الناس بطريقة مميزه جدا وصح السانك.