يااااشيخة الغيد... ياحلوه ومحبوبه
يالي.... قليل (مثيلك) في مناكبها
يااااجوهرة غاية (منايه) ومطلوبه
ترقص..... دلع وتتدلع يوم الاعبها
مااامثلها (مهرة) لو قيل اكذوبه
ولا..شفت انا مثلها (مهرا) تقاربها
ممشوقة ..القد.. والسيقان مخضوبه
والعنق.. بارز جمالة... من جوانبها
والغره تلمع كما القنديل مشبوبه
ترقص تمايل غنج تومي لصاحبها
كنها تعاند نسمة من نجد وهبوبة
في ليلة قمرا سرت تنثر هبايبها
ومزنه على نجد يشع بروق وعذوبه
وترادفت فوق عارضها سحايبها
مضمرة بطن مزمومه ومكربه
سبحان من هو خلقها ورب كاربها
لارخت حوافرها وفزة كنها اعجوبه
نارا تثير النقع منها حين تضربها
لوصهلت ياخذك ذاك الصوت واسلوبة
تسمع صهيل يأسر الأذان يطربها
والذيل كنه شعلة من نار مسحوبه
لامن تعدت واحد يوجس لواهبها
يازينها لا وقفت ترمح ومرعوبه
او هي جمحت وتفلتت من يد صحبها
تسمع نفسها كنها الأنفاس مسلوبه
لو بالرسن قام صاحبها يجاذبها
متمنعة حيل منعة بنت مخطوبه
تختال بالمشية ولا تبي حد يقربها
متحدرة من اصايل حيل متعوبه
الغالي يرخص لجلها والنفس تتعبها
يا كم تمنوها بشر والروح مغلوبه
وياكم رجال عندها تفتل شواربها
ياكم خذت من عقل كم روح مجذوبه
وكم واحد حلمه يتصور بس بجانبها
معذوره لوهي تغلت حيل معذوره
كل الحلا فيها ولا خيال يعجبها
مهره وفيها صفات الحسن مصبوبه
سبحان رب خلقها ورب واهبها
هاذي بعض اوصافها بابيات مكتوبه
من شدة اعجابي مدونها وكاتبها
شعر✍🏻
حسن بن قاسم قحل