إهداء ووفاء للشيخ /
علي بن مسعود بن دراج بن ذياب الفهيدة المري
معرف هجره الذيابيه بالأحساء
سلام ياشيخ الزعامة والابطال
ياراعي الأمجاد أول وتالي
بين العرب تاريخ تشهد به أجيال
نكتب حروفه بالذهب والكمالي
من مثل ابو مسعود للجود هيال
صيته تعلى فوق كل الجبالي
أمير للمرة وفارس وخيال
معرف اذيابة زحول الرجالي
مجالسه وقصور للضيف بميال
ترحيب فاخر بالدسم والدلالي
يا كفو يابن ذياب الفهيدة لك رجال
هذا القرم ابن دراج غالي
ربعه يحبونه عظيمن وبجلال
عزوة رفيقه في سويد الليالي
عيال عمه آل شريم لهم جال
واخواله الافذاذ نعم الخوالي
أنت الأمير الحاتمي طيب الفال
يمناك تعطي مثل غيث الشمالي
من جاك ينصى بشره هم ينزال
يبشر بسعده مثل سيفن صلالي
تشمخ شموخ الشمس ماهمك إهمال
عسى عدوك بالعمى والزوالي
لأنك بحر ماضره القيل والقال
الصمت لك حكمة يدك الضلالي
المدح لك تمجيد مازال منهال
شيخن وأمير المرجلة بالعلالي
تعطي وقصرك عامرن خير منزال
كسبت حب الناس جاه وجلالي
الشعر ما يوفي لشرواك لو طال
شيخ الشيوخ وسمعته بالمعالي