ان كان ابن عمك مع الناس عاداك
طاح من عيونك جميع القرابه
وان كانك اليااحتجت بالضيق خلال
عن فزعته بالصد تاخذ جوابه
خله ترى ماهوسند واحشم اخطاك
عن وقف ن بالضيق قدام بابه
وان كان حدته الليالي وهو جاك
لالا تسوي مثل حضرة جنابه
لانك اليا من غبت ماغاب طرياك
وإلا الردي لاغاب محد ن درابه
كانك ردي ماينفعك كثر الاملاك
طيبك فقط بين العرب ينحكى به
لاجاك لك المحتاج بالضيق ينخاك
خلك على الفزعات مثل الذيابه
بالموقف اللي يرفعك مد يمناك
واقدم على الشدة بحزم وصلابه
ازرع بذور الخير واعمل بدنياك
وكلن ليامن مات يلقى حسابه
بقلم ؛ رياح الوفاء