أنت يا أغلى الخلائق بالوجود
يا ربيع العمر يا وجه السعد
يا شذى عطر الخزامى و الورود
يا مزن يمطر بهتان و برد
يا نسيم الفل يا كاذي و عود
يا قمر يضوي حياتي للأبد
انت غالي و الغلى ماله حدود
ما هوى قلبي انا غيرك احد
انا احبك موت و اصون العهود
مستحيل اخلف بعهدي و الوعد
ليت قلبك باللقا دايم يجود
و تخلص النية و توفي بالعهد
يا للي حبك كل يوم عندي يزود
الله يحميك من عيون اهل الحسد
في هواك مغرم يالظبي العنود
انت أغلى الناس يا وجه السعد
شعر
مصبح قاسم ابو عبدالله