تولمت للغروب الشمس واقفى النهار
تحدد القـــرص وهاجه بلون الشفق
امر الله اللي محـــدد للكواكب مدار
يفل كوكب وكوكب من شروقه شرق
والليله النــــور ماله في سمانا مسار
مع غيبة الشمس متحري غيابه وثق
ياظلمت الليل وإن طال السهر بالحصار
اسهر لو الشمع مع نار الفتيل احترق
امر ً من الله له الطاعه وما صار صار
نصبر لو النوم ما ماط الهدب للحدق
ظــــروفي اللي توهــــج كنها جال نار
من حر صالي لظاها بش خدي عرق
هـــذا مقــــدر ولا لي عنه درب اختيار
ادفــــع بروحي ومن عدى لزومه سبق
بالدين والا بجاه الوجـــه حشمة وقار
ولاني من اللي الى حل الوجوب اصطفق
ياشيــنـها كان قلــــــت يوفي الاعتـــذار
والوجه يقلط ولا صابه كســـوف او بهق
ياصاحبي لا بغــيت العـفو بالاقتـــدار
اصفح عن اللي لو انطقها لساني شرق
تدري عن الحال بالتفصيل والاختصار
لا تبلــش اللي يدونها ويفـــنى الورق
ابوسعد