عالفيس بوك وماسنجر
قالتلي تحب نتعرف قلت يلة نتعرف
ونتشرف ونتكلم ونعرف بعض نتسلي وزي ما تيجي
انا جاهز اناسمسم
وانا بوسي صورتك دي الي عالفيس بوك
قالت ايوة وعهد الله انا هي
اية رايك اية راي مفيش زي ولا فالسيما غير بوسي
وانتي احلي 100مرة ياسمسم
انتي بتجامل وعندك كام يا سم
عندي من السنين 5 فوق ال30
ولو حبيتي اقدمهم اأخرهم انا سني زي ما تحبي
انا ليكي اكون ممنون بس تحني يا بوسي
فداكي بيتي فداكي ناسي وامالكي مع فلوسي
وسنك كام يا بطة فشهر 12الي جاي
اكون 20 لاكن بفهم وأعجب موت
ياسم انتي مرتبط ولا انا ولا و100ولا
وولا كل شيء عني لحدما جيتي يا بوسي
ونورتي بقناديلك ضلام ليلي
ممكن تفتحي الكاميرا بقولك اية
انا مش واحدة م إياهم انا غير الي تعرفهم
فهمت يا حلو ولا نقول من الاول نفسي فنظرة من عينك ويبهرني ضيا جبينك
كلامك حلو يا ابن الآية كلام معسول ومش معقول
أنا خايفة ومش شايفة
فية داعي للكاميرا عشان خاطري
يابوسبوس يلة نتقرب
وعنك عمري متغرب هكوت ليكي ونيس وجليس
فلوسي كلها ليكي لا عيال ومتجوز
ولا حد هيبوز هلف الكون انا وانتي
هموت ماللهفة والأشواق يلة افتحي الكاميرا
انا جاهز يا بنت الآية وانا جاهزة يا سم خلاص
فتحت الكاميرا وياريتني ما كنت فتحت
لقيت بنتي ال قدامي بنتي وقلعة قدامي
وانا الي فاكرها بتذاكر يارب ارحمني يا رحمن
يا خالق الكون والإنسان كان درس قاسي
وانا كنت ناسي انا كنت واهم
انا كنت واهم اني بناتي بعيدة
بناتي فامان داين تدان بنفس الطريقة ونفس المكان.
شعر
سامى الوكيل