ضي المملكة
سلامتك ياضي عين المملكة
ياساكن بنون العيون وموقها
كل السعودية بقايدها احتفت
والراية الخضرا ترفرف فوقها
نَوَّر محيا نجد بك يا أغلى ملك
وارض الشمالية تلالا بروقها
والساحل الشرقي مع الغربي طرب
وناي الجنوب ابدع بعزف طروقها
يابو فهد في كفك سنين العطا
وفي بسمتك شمس الأمل وشروقها
الله يديمك ذخر لبلاد العرب
يامشغل(ن) باله برد حقوقها
اضرب ياراعي الحزم من ضل وبغى
جندل رقاب(ن) طال عهد عقوقها
جعل اليدين اللي تمس امن الوطن
بالسيف الأجرب ذا يجز عروقها
حليت ياسلمان بشغاف القلوب
لك نابض دماها ولاجلك شوقها
دامك بخير المملكة تبقى بخير
عشت وخطاك الشر يامعشوقها
شعر أ. الحفظي الشهري