مبروك عيدك

-

ودي أعيد عليك..
قدام غيري يجيك..
وأقول عيدك مبارك
وأفراح عمرك تدوم.
مبروك عيدك ياسيدي..
عساك دايم سعيدي..
والعمر كله سعادة..
وأفراح في كل يوم.
القلب بالحيل مشتاق..
والشوق في البعد حراق..
لاتحسب اني نسيتك..
تراني منك إمحروم.
في كل يوم أتحراك..
لا دق رقم أتمناك..
وأقول يمكن تذكر..
سهراتنا والعلوم.
انته وانا والبحر..
والنجم وايا القمر.
ياما معاهم سهرنا..
والجو مابه غيوم.
واليوم طبعك تغير..
وصار وضعك َمحير..
خليتني عنك محجوب..
ذالحجب ماله لزوم.
فك حجبي دخيلك..
خليني أقدر أجي لك.
وأشاهدك ياحبيبي..
وأنسى جميع الهموم.

__________________________

كلمات الشاعر
محمد صالح الحارثي. (الخطير)