يا شمس تشرق داخل القلب وتنير
لا تطفي الأنوار دمعة عيوني
اللي بغيته ما عمل ايّ تقدير
واللي بغاني نام داخل جِفوني
صوّرت اخلاص الأحاسيس تصوير
وارسلت مرسولي على من جَفوني
ما صار يا بايع هوى القلب تقصير
تعال لا تكسر بهجرك غصوني
من عام أو عامين ما صار تغيّر
وانا على خبرك ذبحني شجوني
ما عاد عندي للهجر ايٍ تفسير
وشلون عايش يا نديمي بدوني
ان كان عندي للأحاسيس تعبير
يا كثر قبلك بالمودّه بغوني
بقلم | ولهة الشوق
شيخة المقبالي
(
(
